1.Տրված նախադասություններում երկրորդական նախադասությունները գտիր և փոխակերպիր դերբայական դարձվածի։
- Հենց այսօր դու գործ կստանաս, և համաձայն լինելու դեպքում վաղվանից կսկսենք աշխատել:
- Մեզ մոտ աշխատանքի անցնողները հենց սկզբից պարտավոր են պատասխանել իմ մի քանի հարցերին:
- Դասերից հետո ժամեր էի անցկացնում Վենետիկի՝ աշխարհիս լավագույններից մեկը համարվող հայտնի գրադարանում:
- Երևի Միհրդատը չէր զգացել իր խոսքերով ամենից առաջ ինձ վիրավորելը:
- Ամեն ինչ աղոթքով անել չկարողանալու դեպքում էլ տատս միշտ ապավինում էր աղոթքի զորությանը:
- Քսանհինգ տարեկան չեղած՝ հասցրել է երկու գյուտ արտոնագրել:
- Չե՞ք նեղանում իմ՝ այսպես համարձակ խոսելուց:
- Գաբրիելը չէր թաքցնում իր՝ ինչ-որ կասկածելի անձանց հետ կապված լինելը:
2. Տրված նախադասությունների երկրորդական բաղադրիչը փոխակերպիր դերբայական դարձվածի։
- Հետագայում այդ բնակավայրը, որ գյուղի էր վերածվել, Բագրատունիների նախարարական ոստանն է եղել։
- Նրանց, ովքեր դեպի լույսի աղբյուրն են ընթանում, ոգին ու երազանքն անհնար է սպանել։
- Չի կարող լինել ճշմարիտ հայրենասիրություն, եթե մարդը սեփական լեզվի հանդեպ սեր չի տածում։
- Ճշմարիտ մտավորականի ամենացայտուն հատկանիշներից մեկն այն է, որ նա այլոց կարծիքների հետ հաշվի է նստում։
- Իր հոբելյանի նախօրեին մարշալ Հովհաննես Բաղրամյանը տուն էր հրավիրել բոլոր հայ ծովակալներին, որոնք ծառայում էին նավատորմի տարբեր միավորումներում։
- Ես չեմ կարող վերարտադրել այդ պատմությունը, որ բիթլիսահայերենի ու ամերիկահայերենի շաղախով է արվել։
- Այն ժողովրդի ոգին, որ ապրել է ցանկանում, անգամ ցեղասպանությամբ չի ոչնչացվի։
Մարիա Աբրահամյանի բլոգ 